Дундговь аймгийн прокурорын газар 2019 оны 10 дугаар сарын 23-ны өдөр тус аймгийн Цагдаагийн газрын мөрдөгч, эрх бүхий албан тушаалтнуудтай хамтарсан зөвлөгөөн зохион байгууллаа.
Зөвлөгөөнөөр аймгийн прокурорын газрын ерөнхий прокурорын орлогч Х.Мөнхбаатар гэмт хэрэг, зөрчлийн гаралт, шалтгаан нөхцөл, шийдвэрлэлтийн талаар мэдээлэл хийж, өмнө өгсөн үүрэг даалгаврын биелэлтийг тооцож ажилласан байна.
Мөн гэмт хэрэг зөрчлөөс урьдчилан сэргийлэх ажилд олон нийтийн оролцоог нэмэгдүүлэх, удаан хугацаанд шалгагдаж байгаа хэргийн мөрдөн шалгах ажиллагааг шуурхай явуулж шийдвэрлэхэд анхаарч, идэвх санаачлагатай ажиллах талаар мөрдөгч, эрх бүхий албан тушаалтнуудад үүрэг чиглэл өгчээ.
ДУНДГОВЬ АЙМГИЙН ПРОКУРОРЫН ГАЗАР
Улсын Ерөнхий Прокурорын Газрын Олон нийттэй харилцах алба
