Монгол Улсын Хүний Эрхийн Үндэсний Комиссын гишүүн Н.Ганбаяраар ахлуулсан ажлын хэсэг 2019 оны 10 дугаар сарын 23-25-ны өдрүүдэд Говьсүмбэр аймагт “Хүний эрхийн нээлттэй өдөр" арга хэмжээг зохион байгуулж, мөн аймгийн хуулийн байгууллагын ажилтан, алба хаагчдыг “Монгол Улсын нэгдэн орсон Олон улсын гэрээ, конвенцуудыг практикт хэрхэн хэрэглэх”, “Эрүү шүүлтээс ангид байх” сэдэвт сургалтанд хамруулжээ.
Хүний Эрхийн Үндэсний Комиссын гишүүн Н.Ганбаяр нь 1993-1999 онд Монгол Улсын Ерөнхий прокуророор ажиллаж байсан бөгөөд Говьсүмбэр аймгийн прокурорын газрын хамт олон түүнийг тус аймагт ажиллах үеэр нь хүлээн авч, хүндэтгэл үзүүлэн уулзалт, ярилцлага хийсэн байна.
ГОВЬСҮМБЭР АЙМГИЙН ПРОКУРОРЫН ГАЗАР
Улсын Ерөнхий Прокурорын Газрын Олон нийттэй харилцах алба
