УЕПГ-ын Олон нийттэй харилцах албанаас сар бүр бэлтгэн хүргэдэг “Прокурорын мэдээлэл” нэвтрүүлгийн 2023 оны тавдугаар сарын шинэ дугаарыг хүлээн авч үзнэ үү.

Дорноговь аймгийн прокурорын газраас орон нутгийн хэмжээнд анхаарал татаж буй Хүний бэлгийн эрх чөлөө, халдашгүй байдлын эсрэг гэмт хэргийн улмаас бага насны болон насанд хүрээгүй хохирогчийн сэтгэцэд учирсан хор уршиг, сэтгэл санааны хохирлыг нөхөн төлөгдсөн байдлыг 2022, 2023 оны эхний 5 сарын байдлаар судалж, холбогдох арга хэмжээг авчээ.

Прокурорын байгууллага 2023 оны 5 дугаар сарын 22-ноос 26-ны өдрүүдэд мөрдөгч болон эрх бүхий албан тушаалтанд тодорхой ажиллагаа гүйцэтгүүлэхээр 390 даалгавар бичгээр өгч, эрүүгийн болон зөрчлийн хэрэг бүртгэх, ял эдлүүлэх ажиллагааг хэрэгжүүлэх явцад гарсан зөрчлийг арилгуулахаар харьяа байгууллагуудад 8 шаардлага хүргүүллээ.

Эрүү шүүлт тулгах аливаа хэлбэр болон практик гарч байгаа тохиолдлуудын талаар мөрдөгч, прокурор, эрх бүхий албан тушаалтан нар нэгдсэн ойлголтод хүрч, цаашид анхаарах асуудал, авч хэрэгжүүлэх арга хэмжээг тодорхойлсон үр дүнтэй уулзалт боллоо.

Баян-Өлгий аймгийн прокурорын газраас прокурор, ажилтнуудад болон оюутан, сурагчдад “прокурор” мэргэжлийн үүсэл, хөгжил, онцлогийг танилцуулах зорилгоор сургалтын контентыг бүтээжээ. #прокурорын_үүсэл_хөгжил, #франц_англи_прокурор

Монгол Улсын ерөнхий прокурорын газар, БНХАУ-ын Ардын дээд прокурорын газар хоорондын хамтын ажиллагааны хүрээнд тус улсын Хэнань аж үйлдвэрийн их сургуульд зохион байгуулагдсан сургалт, семинарт Улс, аймаг, Нийслэл, тээвэр, дүүрэг, сум дундын прокурорын газрын 20 прокурор оролцлоо.

Прокурорын байгууллага өнгөрсөн долоо хоногт буюу 2023 оны 5 дугаар сарын 22-ноос 26-ны өдрүүдэд хэрэг бүртгэлтийн 43.186, мөрдөн байцаалтын 3709 хэрэгт хяналт тавьж ажиллав.

Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналтын тавих хоёрдугаар хэлтсийн дарга Г.Гэрэлтуяатай нүүрсний хэргийн мөрдөн шалгах ажиллагааны талаар ярилцлаа.

Улсын ерөнхий прокурорын газрын дэргэдэх Сургалт, судалгааны хүрээлэн Монголын Хуульчдын холбоотой хамтран “Мөнгө угаах гэмт хэрэг: онол, практикийн асуудал” сэдэвт оюутны эрдэм шинжилгээний илтгэлийн уралдааныг хоёр үе шаттай зохион байгуулж, дүнгээ гаргалаа.

УЕПГ-ын Олон нийттэй харилцах албаны мэргэжилтэн Б.Одонзаяа Баянгол дүүргийн прокурорын газрын хяналтын прокурор И.Мөнхцэцэгтэй "Хувь хүний нууцтай байх эрх"-н талаар ярилцлаа.

Баян-Өлгий аймгийн прокурорын газраас аймгийн Автотээврийн төвийн удирдлага болон эрх бүхий албан тушаалтнуудтай хамтран хот хооронд зорчигч тээврийн үйлчилгээ явуулдаг аж ахуйн нэгж байгууллагын 60 орчим жолооч нарт  гэмт хэрэг, зөрчлөөс урьдчилан сэргийлэх асуудлаар мэдээлэл хийсэн байна. 

Сонгинохайрхан дүүргийн прокурорын газраас 2022, 2023 оны эхний 1 дүгээр улирлын байдлаар хүүхэд хохирсон зам тээврийн осол, түүний шалтгаан нөхцөлийг дүүргийн хэмжээнд судалжээ.

Өмнөговь аймгийн прокурорын газраас тус аймагт зохион байгуулагдсан “Шүүхийн үйл ажиллагаанд мэдээллийн технологийн инноваци нэвтрүүлэх нь” сэдэвт хэлэлцүүлэгт оролцож, орон нутаг дахь гэмт хэрэг, зөрчлийн нөхцөл байдал, урьдчилан сэргийлэх асуудлаар мэдээлэл хийжээ.

Улсын ерөнхий прокурорын газрын дэргэдэх Сургалт судалгааны хүрээлэн, Дотоод хэргийн их сургууль хооронд хамтын ажиллагааны санамж бичиг байгуулах ёслолын арга хэмжээ 2023 оны 5 дугаар сарын 24-ний өдөр боллоо.

Прокурорын байгууллага 2023 оны 5 дугаар сарын 15-аас 19-ний өдрүүдэд мөрдөгч болон эрх бүхий албан тушаалтанд тодорхой ажиллагаа гүйцэтгүүлэхээр 460 даалгавар бичгээр өгч, эрүүгийн болон зөрчлийн хэрэг бүртгэх, ял эдлүүлэх ажиллагааг хэрэгжүүлэх явцад гарсан зөрчлийг арилгуулахаар харьяа байгууллагуудад 4 шаардлага хүргүүллээ.

Прокурорын байгууллага 2023 оны 5 дугаар сарын 15-аас 19-ний өдрүүдэд хэрэг хянан шийдвэрлэх ажиллагаанд оролцогч иргэн, хуулийн этгээд болон өмгөөлөгчөөс гаргасан 404 гомдол, хүсэлтийг шинээр хүлээн авч, нийт 1037 гомдол, хүсэлтийг хянан шалгав. Үүнээс 278 гомдол, хүсэлтийг шийдвэрлэж холбогдох арга хэмжээг авсан бөгөөд одоо прокурорт 759 нь хянагдаж байна. Шинээр хүлээн авсан гомдол, хүсэлтийн 4 нь ял эдлүүлэх ажиллагаатай холбоотой, 2 нь шүүхээр шийдвэрлэгдсэн хэрэгт шинээр илэрсэн нөхцөл байдлыг шалгуулах талаар байгаа бол 245 нь эрүүгийн болон зөрчлийн хэрэг хянан шийдвэрлэх ажиллагааны талаар гаргасан гомдол, хүсэлт байна. Дээрх хугацаанд Нийслэлийн Дүнжингарав, Мишээл төвүүдэд ажиллаж байгаа “Прокурорын байгууллагын нэг цонхны үйлчилгээ үзүүлэх төв”-үүд нийт 11 иргэний өргөдөл, гомдлыг хүлээн авч харьяа прокурорын газарт нь шилжүүлж, 16 иргэнд прокурорын байгууллагын чиг үүрэг, үйл ажиллагаатай холбоотой зөвлөгөө мэдээллийг өгч ажиллав.

Сонгинохайрхан дүүргийн прокурорын газраас тус дүүрэг дэх ерөнхий боловсролын сургуулийн орчинд үйлдэгдсэн гэмт хэрэг, зөрчлийн гаралтыг 2022 оны байдлаар судлан, гэмт хэрэг, зөрчил хамгийн ихээр бүртгэгдсэн таван сургуулийн ахлах ангийн 300 гаруй сурагчдад сургалт хийлээ.

Прокурорын байгууллага өнгөрсөн долоо хоногт буюу 2023 оны 5 дугаар сарын 15-аас 19-ний өдрүүдэд хэрэг бүртгэлтийн 42603, мөрдөн байцаалтын 3404 хэрэгт хяналт тавьж ажиллав.

Монгол Улсын Ерөнхий прокурорын газар, Дэлхийн банкнаас хамтран “Хөрөнгө буцаах ажиллагааны гарын авлага: Салбарын мэргэжилтнүүдэд зориулсан хоёр дахь хэвлэл, 2021” номыг монгол хэл дээр орчуулан хэвлүүлж, 2023 оны 5 дугаар сарын 19-ний өдөр нээлтээ хийлээ. Энэхүү ном өмнө нь англи, испани, араб, франц хэлээр нийтлэгдэж байсан бол ийнхүү монгол хэлээр нийтийн хүртээл болж байгаа бөгөөд манай улсын шүүх, прокурор, цагдаа, Авлигатай тэмцэх газар, Санхүүгийн мэдээллийн алба, Терроризмтой тэмцэх зөвлөлийн төлөөлөл бүхий ажлын хэсгийн гишүүд хамтран орчуулгын ажлыг хийсэн байна.

Монгол Улсын ерөнхий прокурорын газар болон АНУ-ын Хууль зүйн яамны Прокурорын хөгжил, туслалцаа, сургалтын газрын хамтын ажиллагааны хүрээнд “Дижитал нотлох баримт болон Зэрлэг ан амьтдыг худалдаалах, Мөнгө угаах гэмт хэргийг шалгаж шийдвэрлэх ажиллагаа” сэдэвт сургалтыг 2023 оны 5 дугаар сарын 15-ны өдрөөс 19-ний өдрүүдэд зохион байгууллаа.