Сэлэнгэ аймгийн Мандал сум дахь Сум дундын прокурорын газраас тус сум дахь Шүүхийн шийдвэр гүйцэтгэх ерөнхий газрын харьяа 413 дугаар нээлттэй, хаалттай хорих ангитай хамтран Баянгол суманд “Нээлттэй хаалганы өдөрлөг” зохион байгууллаа.
Прокурорын туслах ажилтны сонгон шалгаруулалтын 1 дүгээр шатны шалгалт болох хууль, эрх зүйн мэдлэгийн сорилын шалгалтад нийт 188 хүн оролцож, 65 оролцогч тэнцсэн байна.
Прокурорын байгууллага 2022 онд иргэд, хэрэг хянан шийдвэрлэх ажиллагаанд оролцогчдоос 19.138 өргөдөл, гомдол, хүсэлт, мэдээллийг хүлээн авч эрхийг нь хангаж ажиллалаа.
Прокурорын байгууллага 2023 оны 1 дүгээр сарын 09-нөөс 17ны өдрүүдэд хэрэг хянан шийдвэрлэх ажиллагаанд оролцогч иргэн, хуулийн этгээд болон өмгөөлөгчөөс гаргасан 392 гомдол, хүсэлтийг шинээр хүлээн авч, нийт 1035 гомдол, хүсэлтийг хянан шалгав. Үүнээс 338-ыг нь шийдвэрлэж, холбогдох арга хэмжээг авсан бөгөөд одоо прокурорт 697 гомдол, хүсэлт хянагдаж байна.
Баримт бичгийн бүрдэл, албан тушаалын тодорхойолтод заасан болзол шаардлагыг хангасан 231 иргэн, албан хаагчийг шалгаруулалтад оролцуулахаар бүртгэж, нэг иргэнийг бүртгэхээс татгалзаж шийдвэрлэсэн болно.
Прокурорын байгууллага өнгөрсөн долоо хоногт буюу 2023 оны 1 дүгээр сарын 09-нөөс 13-ны өдрүүдэд хэрэг бүртгэлтийн 29.330, мөрдөн байцаалтын 1735 хэрэгт хяналт тавьж ажиллав.
Улсын Ерөнхий Прокурорын Газрын Олон нийттэй харилцах алба
